Actualmein neginas publicaziuns.
La Canorta da giuvenils a Cuschnaus vegn accumpignada da persunas dil fatg. Las persunas han sper l’obligaziun da survigilonza in’impurtonta rolla pedagogica. Ellas sustegnan ils giuvenils, lur ideas e basegns entras motivaziun, interacziun e communicaziun.
La Canorta dat la pusseivladad da s'entupar, porscha divertiment ed ei libra dil squetsch da prestaziun e consum. Las ideas dils giuvenils prendin nus bugen encunter e realisein communablamein projects. Denter auter purschin nus era cussegl a giuvenils, geniturs ni persunas da contact.
Ei vegn dau peisa sin in ambient che promova la sanadad e sco prevenziun sustenin nus activamein tematicas relevantas per la sanadad. Ils giuvenils dueien sviluppar ina sanadeivla appreziaziun per sesez e saver instradar a moda segira la veta da carschiu.
La lavur da giuventetgna ei presenta ellas vischnauncas ed informescha a caschun d’occurrenzas ils giavischs e plans dils giuvenils. Nus purschin ina reit constructiva denter ils giuvenils e las instituziuns, autoritads, mandats e gruppas d’interess. La lavur da giuventetgna promova in cuminonza activa ellas vischnauncas.
Dapi il 2015 ei la vischnaunca Lumnezia loscha possessura dil label "loghens muntagnards amicabels per la giuventetgna". Il label honorescha vischnauncas muntagnardas, che s'engaschan a moda exemplarica pils interess dils affons e giuvenils. Ils giuvenils gidan a crear lur agen futur ellas regiuns muntagnardas. Els sustegnan il svilup dalla regiun e san aschia segidar da frenar la demografia.
Il label vegn surdaus dalla Gruppa svizra per las regiuns da muntogna (SAB). Dapli informaziuns anfleis Vus sut
www.sab.ch
www.jugend-im-berggebiet.ch
Duront il temps da scola resta il local da giuventetgna Lumnezia aviarts duront il temps d'avertura usitau. Tut tenor situaziun epidemiologica sa ei dar midadas a cuorta vesta.
Las assistentas lavur da giuventetgna stattan a disposiziun da tut temps sco post da consultaziun e per discuors per geniturs e scolars (numera da telefon Marianna Mögling 079 840 37 39).
«Nus quitein ei grondius da veser ils singuls giuvenils che vegnan adina puspei a visitar la Canorta. Ina truppa cuntenta che passenta bugen temps ensemen, respectescha in l’auter, damogna ina ni l’autra sfida e crescha aschia ensemen.»
Marianna Gomes Couto
menadra lavur da giuventetgna Ilanz/Glion e Lumnezia
Ursina Luzi
assistenta lavur da giuventetgna
Jasmin Cadonau
assistenta lavur da giuventetgnaLia Fadrina Hossli
assistenta lavur da giuventetgnaFabiana Solèr
assistenta lavur da giuventetgnaCumissiun lavur da giuventetgna Glion e Lumnezia
- Lorez Elisabeth, presidenta, Surcasti
- Collenberg Carla, Lumbrein
- Hohl Michal Karin, Castrisch
- Meier Goll Bernhard, Sagogn
- Riedi Helen, Glion
Cumissiun lavur da giuventetgna Lumnezia
- Lorez Elisabeth, presidenta, Surcasti
- Blumenthal Giulio, Surcasti
- Caduff Sarina, Cumbel
- Collenberg Carla, Lumbrein
- Weishaupt Chiara, Degen