Procedura per persunas burgheisas d’in stadi dall’UE/AECL (Associaziun europeica da commerci liber)
Per luvrers burgheis d’ina tiara dall’UE/AECL sto la damonda per ina lubientscha dils luvrers jasters vegnir inoltrada avon ch'entscheiver lur lavur. Igl ei d’inoltrar alla vischnaunca il formular A1 ensemen cun ina copia dalla carta d’identitad. Cura ch’il formular ei deponius tier la vischnaunca, astga la persuna jastra entscheiver a luvrar.
Naven d’immediat dat ei era la pusseivladad d’inoltrar damondas per lubientschas da luvrers jasters (formular A1, A2, B1, B2 sco era igl avis da scadenza) directamein sin via electronica sur la pagina d’internet digl uffeci da migraziun a Cuera. Il link leutier anfleis Vus cheu.
Procedura per persunas d’in tierz stadi
Persunas burgheisas d’in tierz stadi che vulan vegnir en Svizra a luvrar, drovan naven digl emprem gi da lavur ina lubientscha. Il patrun ei obligaus da far la damonda per la lubientscha directamein tier igl Uffeci per industria, mistregn e lavur. Pli ditg ch’il temps da lavur ei planisaus e pli giavischada ch'integraziun a liunga vesta ella fiera da lavur svizra ei.
Suandontas cundiziuns ston vegnir ademplidas leutier:
- L’admissiun sto corrispunder agl interess dall’economia generala svizra.
- Ina lubientscha retscheivan mo persunas qualificadas, specialistas e specialists.
- La preferenza d’indigens sto vegnir garantida. La preferenza pertucca persunas svizras ni persunas burgheisas d’in stadi dall’UE27/AECL.
- Patruns da lavur han da setener vida pagas e cundiziuns da lavur usitadas en lur branscha e lur regiun.
Ulteriuras informaziuns survegnis Vus tier igl Uffeci per industria, mistregn e lavur:
Tel: 081 257 23 53
Mail: info.arbeitsbedingungen@kiga.gr.ch