La casa d’Angel ei dapi igl onn 2015 la casa da cultura ed exposiziuns dalla Lumnezia. Cheu vegn realisau exposiziuns d’art e historia cun curaturs renomai.
In program accumpignont cun referats, pigns concerts e guids s’auda vitier sco era purschidas d’intermediaziun per affons, giuvenils, famiglias e seniors. La casa purila da biebein 400 onns stat sper la baselgia da S.Martin a Lumbrein. Igl onn 1987 ei la casa vegnida renovada dil biro d’architectura da Peter Zumthor e vegnida duvrada sco casa communala.
Igl onn 2015 ei la casa vegnida sanada da Capaul & Blumenthal e dat dapi lu albiert alla gruppa da cristagl dil Péz Regina.
La Fundaziun da cultura Lumnezia meina la casa da cultura en incumbensa dalla vischnaunca Lumnezia.
Duront temps d’exposiziun
Margis, gievgia, sonda, 14.30-17.30
Gruppas ein beinvegnidas ordeifer las uras d’avertura sin annunzia.
Fundaziun da cultura Lumnezia
Casa d'Angel
Dado Baselgia 116
7148 Lumbrein
Telefon +41 81 936 80 55
info@casadangel.ch
https://culturalumnezia.ch/de/category/casa-dangel-de/
Ulteriuras activitads dalla Fundaziun:
-Archiv cultural
-Café Romontsch
-Campus
-Ediziun Toponims
-Guids da cultura