Per carrar cun vehichels a motor sin las vias d'alp, da funs e d'uaul sin territori dalla vischnaunca Lumnezia valan las signalisaziuns tenor la Lescha federala davart il traffic sin via. Las vias senza scamonds ni restricziuns da carrar stattan a disposiziun per tut il traffic a motor. Dallas vias cun scamonds ni restricziuns astga mo vegnir fatg diever per intents ch'ein menziunai ell'Ordinaziun per il diever dallas vias d'alp, da funs e d'uaul cun vehichels a motor, art. 4 e 5.
La vischnaunca venda pia neginas lubientschas da carrar cun excepziun da singulas vias d'uaul. La suprastonza communala sa denton conceder sin damonda a scret lubientschas extraordinarias per singuls tschancuns da vias en cass specials, occurrenzas, fiastas popularas e.a.v.