First Responder Plus

Emprems provediders per ils fatgs da salvament el cantun Grischun

En situaziuns cun prighel da mort ein mesiras d’emprem agid duront las empremas minutas d’influenza decisiva per il surviver da persunas ch’ein grev malsaunas ni che han giu in accident. En grondas parts dil cantun Grischun drova ei in liung temps entochen ch’igl emprem agid professiunal arriva al liug digl eveniment. Per quei motiv procuran gidontras e gidonters, aschi numnai First Responders, per emprem agid en cass d’urgenza, entochen ch’igl agid professiunal arriva.

Dapi l’entschatta matg 2022 ein gruppas da First Responder Plus (FR+) activas ella vischnaunca Lumnezia a Vrin, Vella ed Uors. Actualmein fan endisch persunas part da quei project, che ha la finamira da baghegiar si egl entir cantun Grischun 80 gruppas FR+.

Entras lur scolaziun fundada ed igl equipament professiunal san quellas persunas dar emprem agid entochen ch’ils survetschs ufficials da professiun arrivan el liug d’accident. Petra Derungs-Bühler, presidenta dall’Uniun samaritana Lumnezia, ei menadra dallas gruppas.

Il clom da FR+ succeda parallelmein cul clom d’urgenza e vegn coordinaus entras la centrala d’emprem agid GR sut la numera 144.

Vuleis Vus era esser part dalla gruppa da First Responder Plus en la vischnaunca Lumnezia? Lu s'annunziei tier nus!