L’autoritad suprema en vischnaunca ei la cuminonza dallas persunas cun dretg da votar. Sco legislativa excercitescha ella ses dretgs all’urna ni alla radunonza communala.
Ultra dallas fatschentas che vegnan suttamessas alla votaziun all'urna entras conclus dalla radunonza communala cumpeta alla cuminonza dils votants:
- il relasch e la revisiun dalla constituziun communala;
- l'approbaziun e la revisiun da leschas;
- conclus davart novas expensas unicas egl import da varga CHF 2'000'000.00 per la medema caussa e da varga
CHF 250'000.00 sch'ei setracta d'expensas che serepetan; - igl acquist, la vendita, il brat, la sequestraziun e scadina alienaziun e mutaziun da beins immobiliars e terren sco era engreviar ni favorisar tals cun dretgs persunals e dretgs reals restrenschi (menziuns, annotaziuns, servituds e dretgs d'impegn) per ina valeta da contract che survarga
CHF 1'000'000.00; - dar e midar essenzialmein concessiuns per utilisar las auas, conceder ulteriurs dretgs d'utilisaziun speciala cun in cuoz da varga 30 onns sco era exequir il dretg da curdada da concessiun el senn dalla legislaziun davart il dretg dallas auas;
- la decisiun davart la fusiun cun autras vischnauncas.
Votaziun electronica (E-Voting)
Ils votants e las votantas dalla vischnaunca Lumnezia han la pusseivladad da votar electronicamein naven dil mars 2024. Per saver far diever da quella purschida eis ei da s’annunziar unicamein sut: www.gr.ch/e-voting/anmelden
Las persunas che s’annunzian per igl E-Voting retscheivan mintgamai il cedel da legitimaziun cun las indicaziuns necessarias per posta. Cedels da votar en fuorma da pupi basegna ei buc, ils messadis en connex cun las votaziuns vegnan mess a disposiziun electronicamein.
Dapli informaziuns anfleis Vus sut: www.gr.ch/e-voting ni sin la plattafuorma dil cantun: evoting-info.ch