Las societads da tir han da vegl enneu tradiziun en Lumnezia ed ei deva pli baul en mintga vischinadi in stan da sittar, quei che muntava ina contaminaziun da plum remarcabla per quels loghens. Ei vegneva buca dau gronda peisa sil schurmetg dalla natira e digl ambient.
Ozilgi vegnan buca pli tut ils stans nezegiai. Il terren contaminau vegn sanaus e las materias nuscheivlas eliminadas a moda ecologica. Era ils stans da sittar ch'ein aunc en fucziun medemamein sanai tec a tec e drizzai en cun pegliaballas ed apparaturas modernas.
Las societads da tir ein commembras dil District da tir Surselva ed il 2018 han ina part dallas lutgas dil Tir cantunal Grischun giu liug el stan da sittar Rofna a Degen.