La vischnaunca Lumnezia sustegn uniuns e gruppaziuns d’interess cun contribuziuns finanzialas. Dad ina vart ein quei per uniuns indigenas las contribuziuns pauschalas annualas, da l'autra vart sustegns individuals per projects ed occurrenzas.
Contribuziuns annualas per uniuns indigenas
L'annunzia per la contribuziun annuala succeda tenor il Reglament davart sustegn per uniuns e gruppaziuns d'interess (mira sutvart) ed ei d'inoltrar entochen ils 30 da settember.
Il formular online anfleis Vus cheu.
Contribuziuns per projects ed occurrenzas
Damondas da contribuziuns per projects culturals sco era da tut las spartas artisticas e sportivas ein d'inoltrar mintgamai sils 15 da mars, ils 15 da zercladur, ils 15 settember ed ils 15 da december. Las damondas vegnan tractadas mo sch'ellas entran tier l'administraziun communala ad uras enteifer quei termin. Autramein vegn la decisiun stuschada sil proxim quartal.
Damondas da contribuziun ein d'inoltrar en scret per posta ni per posta electronica: Vischnaunca Lumnezia, cumissiun da cultura, Palius 32D, 7144 Vella ni info@lumnezia.ch cugl avis "cumissiun da cultura".
Damondas inoltradas directamein tier commembers dalla cumissiun ni dalla suprastonza communala, vegnan visadas anavos.
Taxas per diever da localitads vegnan adossadas tenor Reglament per diever da stabiliments communals per la vischnaunca Lumnezia (217.110). Damondas per relaschar la taxa da diever ein d'inoltrar en fuorma dad ina damonda da contribuziun da silmeins la medema altezia. Quella procedura survescha per transparenza ellas cudischaziuns dalla contabilitad communala.