La Fundaziun da cultura ei ina fundaziun purtadra e meina en incumbensa dalla vischnaunca Lumnezia la Casa d’Angel a Lumbrein ed igl Archiv cultural ad Uors.
El num dalla fundaziun vegn realisau differents projects ed activitads sco guids da cultura ni il Café Romontsch. La Fundaziun sa cun sia facultad modesta buca porscher sustegn finanzial, sa denton segidar tier projects cun organisar e cussegliar.
La Fundaziun da cultura Lumnezia tgira e promova la cultura lumneziana e cultivescha la schientscha per valurs dalla vallada. La fundaziun sviluppescha e sustegn ideas e projects che cumpeglian lungatg, natira, architectura ed activitads culturalas en Lumnezia.
La Fundaziun da cultura Lumnezia organisescha en cooperaziun cun la Lia Rumantscha sentupadas regularas per persunas cun interess pil romontsch.
Il Café Romontsch dalla Lumnezia ha pil pli liug en Casa d’Angel e sedrizza oravontut a persunas ch’ein vegni neutier e vulan trenar e perfecziunar il romontsch plidau. Denton ein Lumnezianas e Lumnezians cun interess da dar vinavon lur lingua materna enten tschintschar fetg beinvegni.
Dapli informaziuns sut www.liarumantscha.ch e https://culturalumnezia.ch/de/category/casa-dangel-de/.
Il Campus Lumnezia intermediescha scienzia ad indigens, persunas da secunda dimora e hosps. Ei vegn organisau simposis, seminaris, jamnas da studi, summerschools e referats tier tematicas transalpinas en tuttas spartas dalla scienzia.
Ei vegn oravontut susteniu la perscrutaziun e publicaziun dallas fontaunas egl Archiv cultural Lumnezia sco era l’intermediaziun dils resultats ad in publicum interessau. 2021 – 24 stat sut il motto convivenza cun nos vischins da Val e Sursaissa Mundaun: Co vesin nus in l’auter e co vesin nus nies futur communeivel.
Lumnezia Toponima: Nums locals, dètgas ed usits da l’entira Lumnezia vegnan rimnai en quell’ovra. L’ediziun ei previda sin 2022.
Kulturführer Lumnezia: L’ediziun sur dalla vallada ei edida igl onn 2000 ed ei pli u meins exaurida. Per igl onn 2024 ei ina reediziun previda
La Val Lumnezia posseda ina reha ierta culturala. Ensemen cun instituziuns culturalas dalla Surselva han guids scolai elaborau guidas da cultura. Igl accent principal ei tschentaus sin la cuntrada sacrala, mo era l’architectura profana e la cuntrada culturala e naturala vegn risguardada. Tut las visetas guidadas san vegnir reservadas da gruppas.
Dapli informaziuns anfleis sin la pagina https://miracultura.ch/.
Fundaziun da cultura Lumnezia
Casa d'Angel
Dado Baselgia 116
7148 Lumbrein
Telefon +41 81 936 80 55
info@casadangel.ch
https://culturalumnezia.ch/de/category/casa-dangel-de/