La vischnaunca porscha il survetsch da rumida da neiv per vias e plazs privats.
Las lavurs succedan en connex cun la rumida dallas vias publicas encunter in’indemnisaziun pauschala minimala da CHF 200.00 per object. La summa definitiva sedrezza tenor la dimensiun dalla surfatscha. La taxa per fierer la neiv en via cuosta CHF 50.00 per unviern.
Vischnaunca Lumnezia
Survetsch tecnic
Palius 32D
7144 Vella
Telefon +41 81 920 60 00
info@lumnezia.ch
Annunzias
- Tgi che giavischa da niev ina rumida da neiv pil proxim unviern, duei annunziar quei entochen ils 30 da settember. L'annunzia sa vegnir fatga per telefon tier il menader dil survetsch tecnic (+41(0)79 340 86 28).
- Tals che fan in'annunzia per la rumida da neiv ston metter a disposiziun in plaz per deponer la neiv. Per l'annunzia eis ei necessari d'inoltrar in plan da situaziun ch'indichescha il liug da rumida ed il liug da deponer la neiv.
- Tgi che ha schau rumir igl onn vargau la neiv e giavischa vinavon la rumida, sto annunziar nuot. L’annunzia vegn surprida pil proxim unviern.
Abdicaziuns
- Tgi che ha schau rumir igl onn vargau la neiv e giavischa buca ina rumida pli, duei annunziar quei alla vischnaunca entochen ils 30 da settember.
Excepziun: rumida da neiv sin vias da funs
Per rumir la neiv sin vias da funs drova ei ina lubientscha dalla suprastonza communala. Ils cuosts per rumir la neiv han ils utilisaders dalla via da surprender. Donns caschunai vid las vias en connex cun la rumida da neiv sco era cul diever da talas vias igl unviern van a quen al caschunader. Oravontut ein transports cun menadiras grevas duront il temps d’unviern e la primavera entochen che las vias ein aunc buca schigiadas ora da restrenscher sin in minimum.