L’annunzia sto succeder enteifer 14 dis persunalmein tier la controlla da habitonts en casa communala a Vella ni sur il sistem electronic sut eUmzug (sche la vischnaunca dil domicil da partenza porscha quei survetsch).
Tier l'annunzia persunala d'arrivada eis ei da purtar il formular d'annunzia emplenius ora. Il formular d'annunzia anfleis Vus cheu.
Informaziuns generalas per persunas che prendan domicil el cantun Grischun.
Ils suandonts documents ein necessaris:
- Attest d’origin
- Certificat da famiglia (priu ora persunas ledias)
- Mussament dalla cassa da malsauns
- Carta d’identitad ni passaport
Impurtont: L’annunzia da l’arrivada ord igl exteriur sto succeder persunalmein al spurtegl dalla controlla da habitonts. L’annunzia electronica ei en quei cass buca pusseivla.
Ils suandonts documents ein necessaris:
- Passaport ni carta d’identitad valeivla
- Legitimaziun d’jasters
- Mussament dalla cassa da malsauns
- Tier persunas che lavuran: Formular A1 emplenius ora entras il patrun da lavur
Impurtont: Naven d’immediat dat ei la pusseivladad d’inoltrar damondas per lubientschas da luvrers jasters (formular A1, A2, B1, B2 sco era igl avis da scadenza) directamein sin via electronica sur la pagina d’internet digl uffeci da migraziun a Cuera. Il link leutier anfleis Vus cheu.
Annunzia da persunas enteifer il cantun Grischun:
L’annunzia sto succeder enteifer 14 dis persunalmein tier la controlla da habitonts en casa communala a Vella ni sur il sistem electronic sut eUmzug (sche l’actuala vischnaunca porscha quei survetsch)
Annunzia da persunas ordeifer il cantun Grischun:
L’annunzia sto succeder persunalmein enteifer 14 dis tier la controlla da habitonts en casa communala a Vella.
Ils suandonts documents ein necessaris:
- Passaport ni carta d’identitad valeivla
- Legitimaziun d’jasters
- Mussament dalla cassa da malsauns
- Tier persunas che lavuran: Formular B1 emplenius ora entras il patrun da lavur
Impurtont: Naven d’immediat dat ei la pusseivladad d’inoltrar damondas per lubientschas da luvrers jasters (formular A1, A2, B1, B2 sco era igl avis da scadenza) directamein sin via electronica sur la pagina d’internet digl uffeci da migraziun a Cuera. Il link leutier anfleis Vus cheu.
Haveis Vus l’intenziun da setener si mo temporarmein en la vischnaunca Lumnezia, stueis Vus medemamein s'annunziar persunalmein al spurtegl dalla controlla da habitonts enteifer 14 dis.
Il suandont document ei necessaris:
- Attest da domicil (da retrer tier la controlla da habitonts da Vies domicil da dretg civil)