Adressats: Uniuns, gruppaziuns e tuttas persunas interessadas alla cultura
Invit all'emprema meisa rodunda da cultura Lumnezia
Venderdis, ils 08 da november 2024 dallas 20:00 ell'aula dalla casa da scola a Vella
Preziai creacultura dalla Lumnezia
La vischnaunca Lumnezia envida uniuns culturalas e tut ils creacultura interessai dalla Lumnezia ad ina meisa rodunda da cultura. La finamira ei da coordinar e sche pusseivel evitar collisiuns da termins per occurrenzas, coordinar temas, rinforzar la reit e nezegiar sinergias.
Per uniuns culturalas che retscheivan ina contribuziun dalla vischnaunca ei la participaziun ligionta. Privats ed ulteriurs interessai ein cordialmein envidai. Per in decuors efficient dalla sera supplichein nus vinavon d'annunziar gia ordavon sin info@lumnezia.ch ils termins gia enconuschents da vossas occurrenzas planisadas il 2025 cun indicar:
Uniun/instituziun, persuna responsabla, termins, tematicas.
La sera vegn structurada sco suonda
- Beinvegni
- Runda da presentaziun
- Coordinaziun da termins
- Coordinaziun tematica
- Informaziun davart damondas da sustegn alla vischnaunca
- Informaziun davart reservaziuns da localitads dalla vischnaunca
- Crossiety
- Varia
Suenter l'occurrenza vegn offeriu in apero
Cun amicabels salids
Departament da cultura, sport e temps liber
Remo Derungs