L’administraziun cantunala da taglia ha tarmess in scriver partenent inoltrar la declaronza da taglia 2024. Igl ei buca vegniu tarmess formulars da taglia en pupi, quei ord il motiv d’ina midada da sistem.
Tgi che tschenta ora a maun la declaronza da taglia, sa pretender tier la vischnaunca ils formulars da taglia en pupi. Ils auters san far diever dil program “SoftaxGR2024” ni surdar il scriver obteniu cun la nova numera da register al biro fiduziari ni alla persuna che tschenta ora la taglia.
Tgi che giavischa ils formulars en pupi sa empustar quels per telefon ni per e-mail tier la vischnaunca. Quellas persunas survegnan egl avegnir automaticamein sco usitau ils formulars puspei en pupi.
Il program “SofTaxGR2024” saveis cargar giu dalla pagina d’internet www.stv.gr.ch ed installar sin vies computer.
Adatg:
Naven da 2024 ei la numera dall’assicuranza sociala era la numera dil register da taglia.
Termins per inoltrar las declaronzas da taglia:
Ils 31 da mars 2025 per persunas cun activitad da gudogn dependenta, students, pensiunai e disoccupai.
Ils 30 da settember 2025 per persunas cun activitad da gudogn independenta e persunas domiciliadas ordeifer il cantun Grischun cun immobiglias el cantun Grischun.
Prolungaziun dil termin:
Damondas per ina prolungaziun dil termin per inoltrar la declaronza da taglia ein da far avon ch’il termin d’inoltraziun croda e quei suandontamein;
Online: www.stv.gr.ch
per e-mail: fristgesuche@stv.gr.ch
Las damondas vegnan rispundidas mo sche quellas san buca vegnir risguardadas.
Informaziuns
Davart eventualas damondas informescha igl uffeci da taglia Lumnezia; 081 920 60 08 steueramt@lumnezia.ch ni il cumissariat cantunal da taglia a Glion; 081 257 33 97
Informaziuns e formulars anfleis vus sut www.stv.gr.ch ni sut www.lumnezia.ch